Persónuvernd

Ábyrgð á persónuupplýsingum

Svartigaldur ehf. rekur Skorið og er ábyrgðaraðili að vinnslu persónuupplýsinga á vefnum. Skorið birtir leiki, úrslit og töflur úr íslenskum íþróttum. Þú getur skoðað vefinn án þess að stofna aðgang eða gefa upp nafn og netfang.

Fyrir fyrirspurnir og beiðnir um persónuvernd má hafa samband við sjaduskorid@gmail.com.

Íþróttaupplýsingar

Upplýsingar um lið, leiki og leikmenn berast frá íþróttagagnaveitum og opinberum keppnisheimildum. Þar geta verið nöfn og myndir leikmanna, liðsskipan og frammistaða í leikjum.

Rekstur og öryggi

Hýsingar- og öryggisþjónustur geta unnið með IP-tölu, vafraupplýsingar og skráningar um tengingar og villur til að birta vefinn, greina bilanir og verjast misnotkun.

Leikjaspár

Þegar þú sendir inn leikjaspá vistum við auðkenni í vafranum þínum svo þú getir séð og breytt eigin spá fram að leik. Spáin er geymd með vörðu auðkenni, án nafns eða netfangs. Auðkennið er ekki notað til að sérsníða auglýsingar.

Þú getur fjarlægt auðkennið með því að hreinsa vefgögn fyrir Skorið í stillingum vafrans. Þá þekkir vefurinn ekki lengur fyrri spár þínar í þeim vafra. Það eyðir ekki sjálfkrafa spám sem þegar hafa verið skráðar.

Auglýsingar og mælingar

Auglýsingaborðar á Skorið eru ekki sérsniðnir að þér og nota ekki rakningartækni frá auglýsendum. Engin sérstök heimsóknargreining er innbyggð í vefinn.

Réttindi þín

Eftir því sem við á getur þú óskað eftir aðgangi að persónuupplýsingum um þig, leiðréttingu þeirra, eyðingu eða takmörkun vinnslu og andmælt vinnslu. Réttur til að flytja eigin gögn getur einnig átt við. Þú getur lagt fram kvörtun hjá Persónuvernd.